learn real english

الكورس ده عاملينه 3 مدرسين امريكان متخصصين جدا وعندهم خبرة كبيرة في تخصص تدريس الإنجليش
همة مشهورين جدا، اكيد ناس كتير منكم يعرفوهم همة :حبايبي الحلوين  AJ Hoge ، Joe Weiss ، Kristin Dodds
عاملين كورس اسمه Learn Real English
يطلع ايه بقى الكورس ده ؟
 همة بيعلموا الناس بطريقة معينة معتمدة على الاستماع بس،، بيقولوا ان الطفل الصغير الامريكي مثلا بيتعلم ازاي يتكلم انجليش؟ هل بيدرس جرامر او بيقرا text books ؟ لا طبعا ، بيتعلم من مامته وباباه والناس اللي حواليه اللي بيتكلموا انجليش لغتهم العادية العامية، زي ما الطفل عندنا بيتعلم عربي عادي من الناس اللي حواليه..
التكنيك اللي بيتبعوه في التعليم حاجة اسمها الDeep learning، التعليم الغويط 😂
يطلع ايه ال Deep Learningg ده ، ان انت تسمع مثلا اول جزء من الكورس كل يوم هوة هوة لمدة اسبوع مثلا ،، التكرار ده هوة اللي بيخلي الكلام يثبت جوة دماغك ويخليك تستخدم الجمل والايديومز لما تيجي تتكلم Unconsciously .
الكورس ده عبارة عن محادثات (Slangg) لغة عامية زي الامريكان ما بيتكلموا مع بعض في حياتهم العادية مش زي اللي بنسمعه في الحاجات اللي بتعلم انجليش او اللي بنقراه في الكتب،، والكورس مليان Idioms مهمة جدا جدا ..
 الكورس مش ممل ، ومافيهوش اي مذاكرة لاي حاجة ولا جرامر ولا كتب ولا هري من ده.. كل المطلوب منك تسمع ساعة في اليوم .. شكرا
الكورس عبارة عن 30 lessons كل Lesson مكون من 4 أجزاء ركزوا معايا لو سمحتوا 😁 :
الجزء الأول المحادثة عادي جدا بتسمعها وزي ما قلنا بتبقى طبيعية جدا زي اي اتنين بيتكلموا مع بعض
الجزء التاني الVocabulary وده بتسمع فيه المحادثة متفصلة كلمة كلمة بالراحة جدا وشرح لللIdioms المهمة وامثلة عليها
الجزء التالت ال Mini story وده بتسمع فيه قصة صغيرة في الاول بتكون مجمعة كل ال  Idioms الجديدة اللي سمعتها في المحادثة، وبعد ما يقول القصة في دقيقتين مثلا .. بيقول جملة جملة من القصة ويسألك عليها اسئلة، والمطلوب انك تجاوب الأسئلة دي بصوت عالي ، فتكون كإنك بتعمل Practice عالحاجات اللي خدتها.. بيديك وقت كدة بيسكت فيه بعد ما يقول السؤال عشان تجاوب قبل ما هوة يجاوب، وبيقولك لو مش هتلحق تجاوب ممكن تطفي الاوديو وتجاوب وتشغله تاني عادي، وبيقولك كمان لو حابب ما تجاوبش وتسمع الاسئلة والاجابات عادي برضة شغال مافيش مشكلة ، يعني مالكش حجة 😁
الجزء الرابع بقى عبارة عن حاجة اسمها POV story او Point of view Storyy، ودي طريقة عبقرية جدا في مذاكرة الجرامر بالإستماع وهوة انه بيقولك قصة معينة وبيفضل يكررها كذا مرة ولكن في ازمنة مختلفة مضارع .. ماضي.. مستقبل وهكذا وبكدة بيخليك تتعود لما تتكلم.. تستخدم الأزمنة المختلفة اوتوماتيك من غير تفكير..
المفاجأة الكبرى بقى 😁 كل حاجة في الكورس مكتوبة في ملفات PDF ، الناس دي ما بتهزرش يا جماعة :D الكحة والضحكة والUm وال Oh وال mmmmm ،، كل حاجة مكتوبة مافيش حاجة في المتسابة 😁 كل Lesson معاه ال PDFs بتوعه.
اخر حاجة احب اقولها، لو جيت تسمع اول محادثة ولقيت نفسك مش فاهم اي حاجة،، ما تتخضش عادي جدا الناس بيتكلموا بسرعة وامريكان انجليش وكله Idioms عادي جدا.. لما تبدأ ممكن تطبع اول Lesson هيكون 4 ورقات ولا حاجة تقراها الاول قبل ما تسمع لوحدها مرة .. وبعدين تقرا منها وانت بتسمع، لحد ما تحس انك فاهم لحد ما،، وبعدين لو في كلمات مش فاهمها ومصطلحات عادي هوة ده المطلوب.. لانك زي ما اتفقنا هتسمع ال Vocabulary بعد كدة اللي هيفسرلك كلمة كلمة ما تقلقش،، وبيقولولك لو قعدت حتى شهر في اول Lesson تسمعه كل يوم مافيش مشكلة.. المهم انك توصل لدرجة انك تبقى فاهم المحادثة كلها .. وصدقني هتلاقي نفسك بتفهم لوحدك من تاني Lesson.
انا عن نفسي بسمع الLessonn الواحد كل يوم لمدة اسبوع اللي هوة الحد الأدنى وببقى على آخر الاسبوع مستعدة اسمعها عالغايب 😁 فما تتخضوش الموضوع مش صعب..بس اهم حاجة اهم حاجة الالتزام وانك تسمع كل يوم ورا بعضه لمدة 6 شهور عشان تخلص ال 30 Lessons .. واوعى تقوللي هاسمع ال  30 في شهر وخلاص كل يوم واحدة ! مافيش الكلام ده .. مش هتستفيد الاستفادة الكاملة لان مش هيبقى فيه Deep Learning Technique .

وهاحطلكوا لينك الwebsite بتاع المدرسين التلاتة في اول كومنت عشان تتعرفوا عليهم، هتحبوهم اوي 😄 شوفوا الفيديوهات اللي حاطينها وتابعوهم مفيدين جدا ناس مليانين حياة ومحفزين وخصوصا  AJ Hoge فظيع ومريع 😁
 تحديث : الكورس ده غير حياة ناس كتير جدا، ولو دخلتوا عالسايت هتلاقوا قصص نجاح كتير جدا للناس اللي استخدموا الكورس.. ناس اتعينت في الشغلانة اللي عايزاها وناس سافرت برة وناس بقوا مدرسين انجليش.. يعني كل واحد حقق حلمه اللي بيحلم بيه.. انت كمان عافر واتعلم عشان تحقق حلمك وتوصل للي انت عايزه ان شاء الله.. وياريت شير لأي حد حابب يتعلم انجليش او الانجليش بيمثل عقبة في طريقه.. وشكرا ^_^

لينك تحميل :http://gsurl.in/21as